 |  |  |  |
|---|
Sólorka Salud – heilsa og trivnaður
Salud merkir heilsa (sunnheit) á sponskum. Sambært WHO býr Sólorka í einum av heilsubestu økjunum í øllum heiminum. Vit hava harafturat tætt samstarv við læknar og sjúkrahús. Undir teimum stóru sólorkusetunum hava vit enntá okkara egna føroyska lækna.
Ein vitjan hjá okkum skal geva tær bæði kropsliga og mentala heilsubót. Hetta skal henda, meðan tú sum vanligur gestur ert í feriuhýri og ikki í einum sanatoriikendum umhvørvi. Ein grundhugsjón okkara er, at eisini tey, sum hava onkra sjúku, bera okkurt brek ella hava aðrar serligar avbjóðingar, skulu hava hendan møguleikan.
Sólorka Salud fevnir um fleiri tættir:
-
Heilsustimbrandi veðurlag við hópin av D-vitaminum
-
Umsorgan, nánd og lívsgleði
-
Møguleikar til teirra, sum bera brek ella hava sjúkur
-
Rørsla og kostur
-
Heilsutænastur, viðgerðir, dialysa o.a.
Tú kanst lesa meira um hetta, um tú trýstir á ein av kubbunum
Tú kanst njóta tænasturnar undir bæði sólorkusetunum og sólvikunum. Vit skipa eisini fyri skraddaraseymaðum vtijanum fyri bólkar.
