 |  |  |
|---|
Øki og ítróttagreinar
Sólorka býr við Altea-víkina, sum sambært heimsheilsustovninum, WHO, er eitt hitt heilsubesta økið í heiminum. Gestir okkara kenna hetta á sær hvønn morgun, tá teir vakna eftir eina góða nátt.
Víkin eitur eftir avbera vakra býnum Altea. Gamla navnið var Altheia, sum bæði á grikskum og arabiskum sipar til at grøða. Fornleivdir vísa, at rómverjar høvdu heilsumiðstøðir við hesa víkina longu fyri umleið 2000 árum síðani.
Í sólorkuøkinum hava vit ítróttafasilitetir í heimsflokki við nútímans vøllum, hallum og hentleikum annars. Vit hava nógvar fótbóltsvøllir við ávikavist grasi og graslíki. Vit hava góð øki til tennis, padel, padbol og aðrar ítróttir umframt hallir til alla innanduraítrótt.
Vit eru harafturat í einum teimum vakrastu og best umtóktu súkklulendunum í øllum Europa, og Tour-de-France- og Vuelta-a-España-súkklarar venja her.
