 |  |  |  |
|---|
Undirhús, grísafest og Den Med Tyren
Vársetan (8. - 20. mai) gerst enn festligari
Hereftir fer vársetan eisini at hava sítt egna grillparty, ta sonevndu Várveitsluna, har øll eru boðin við. Hesaferð fara vit – eitt sindur í spølni – at geva veitsluni eitt søguligt spanskt tema: Grísafestina! Vit fara at hugleiða um góðar gamlar dagar við rúsdrekkakortum, skattaváttanum, Veru Katrup og Den Med Tyren....og (sum skaldið kvøður) hvussu føroyingar vóru tá, serliga tá teir vitjaðu sunnanfyri. Millum onnur fara Kári Post og Gekka-Rudolf at greiða frá, og Toftamaðurin at fortelja onkrar
góðar frá, tá hann á sinni sjálvur var við á grísafest. Kanskja kennir hann onkran av hinum sólorkugestunum aftur frá teirri ferðini?
Hetta er jú eitt grillparty, so vit fáa sjálvandi heilstoktar grísar og okkurt gott afturvið. Og hvør veit, kanska finna vit nakrar fløskur av Den Med Tyren at hella í onkran nostalgiskan føroying?
